بتتعاكس ... كده .. ولا كده ... ولا كده, أمال إزاى

[img:f042]http://www.alltalaba.com/board/style_emoticons/default/36_13_1[1].gif[/img:f042]ايه بيكون شعورك لما تليفون البيت عندك يرن وأول ما تقول : ـ آآآآآآآلو فجأة السماعة تترزع فى وش حضرتك ............ [img:f042]http://www.alltalaba.com/board/style_emoticons/default/36_1_3[1].gif[/img:f042] ولا لما حد يتصل بيك وتقعد تقول : ـ آآلو .. آآآآآآلو لحد ما يتنبح صوتك

وهو مستهبل فيها وعامل نفسه مش سامعك

لحد ما تزهق من عيشتك وترزع انت السكة فى وش حضرته

ولما لما كل شوية حد يتصل بيك يقولك : ـ عبد الموجود موجود

وتقوله النمرة غلط علشان يتصل بيك تانى يقولك : ـ طيب تامر عبد الموجود موجود

ولا لما حد يتصل بيك يقولك : ـ "" شيلوا فيشة التليفون عشان هنمسح السنترال ""


(( آل يعنى خايف عليك لتكهرب ))
ولا لما حد يتصل بيك الفجرية ويصحيك من عز النوم وصوته شارب بقرشين حشيش ومعلى الدماغ [img:f042]http://www.alltalaba.com/board/style_emoticons/default/36_7_7[1].gif[/img:f042] ويقولك : ـ
(( إحنا الفريق الإسلامى الدعوى ... قوم صلى الفجر ))
(( إحنا الفريق الإسلامى الدعوى ... قوم صلى الفجر ))


ولا لما حد يتصل بيك يقولك إن ((جوز بنت عم ابن اخو أخت جوز ابن عمك )) نقلوه المستشفى فى حالة خطيرة

وبعد ما تقفل وانت الرعب هياكل دماغك تتكتشف الفاجعة إنك ملكش قرايب أصلا ومقطوع من شجرة [img:f042]http://www.alltalaba.com/board/style_emoticons/default/36_11_6[1].gif[/img:f042]


كل دى معاكسات بنتعرضلها وبنشوفها

بس خلونا زى ما ضحكنا نتناقش

ايه الشئ اللى بيستفادوا اللى بيعاكس ده

وايه هى الجوانب السلبية اللى ممكن تترتب على المعاكسات بتاعة التليفون خاصة عند الناس اللى بتتلقى المعاكسات دى [img:f042]http://www.alltalaba.com/board/style_emoticons/default/36_1_47[1].gif[/img:f042]

وياريت الأجابة تكون مرفقة بأخر معاكسة تليفون كل واحد منكم أتعرضتلها

هههههههههههههههههههههههههههههههههههههههههههههههه
ممكن برضو
على فكره اسمك جميل جدا الله يسعدك يا احلى من القمر